Þoka er u.þ.b. 1 árs gömul læða en er ennþá mikill kettlingur í sér. Hún fannst sem villikettlingur sirka 4 mánaða gömul og var villtari en ljón aðeins nokkra vikna gömul. Hún tók svo sannarlega sinn tíma að mannast og fannst mannfólkið frekar leiðinlegt!

En einn daginn tók hún skarpa U-beygju og heimtaði klapp! Síðan þá hefur hún heimtað mikla athygli og elskar klapp og klór. Hún elskar að leika og tekur alltaf á móti fólki (nema ef það koma margir í einu) og nuddar sér upp við lappirnar á fólki.

Þoka hentar ekki á heimili með ungum börnum þar sem hún getur ennþá verið smá óútreiknanleg. Það yrði best fyrir Þoku að vera inniköttur og það myndi jafnvel henta henni að fara á heimili með öðrum köttum.