Kisurnar okkar
Hér getur þú séð nokkrar af þeim kisum hjá okkur sem eru í heimilisleit eða óska eftir fósturfjölskyldum.
Allir kettir og kettlingar á okkar vegum afhendast ormahreinsaðir, bólusettir, örmerktir og geldir/teknir úr sambandi. Fyrir það er greidd hófleg upphæð til að mæta kostnaði, en nánari upplýsingar eru veittar í umsóknarferlinu.
Mikil hreyfing er á kisunum í okkar umsjá og því enda ekki allir kettir og kettlingar hér á vefnum. Þér er velkomið að fylla út umsókn og ef við teljum umsóknina henta ketti eða kettling á okkar vegum þá höfum við samband. Ef þú ert með einhverjar óskir varðandi persónuleika, inni- eða útikött o.s.frv. þá máttu endilega taka það fram í umsókninni. Við gerum okkar besta til að finna heimili við hæfi sem henta kisunum okkar.
Vinsamlega hafðu í huga að öll okkar vinna er unnin í sjálfboðavinnu og því náum við ekki að svara öllum umsóknum. Þér er velkomið að endurnýja umsóknina til að minna á þig.
Finndu okkur á samfélagsmiðlum
Kettirnir okkar eru staðsettir út um allt land, í kotunum okkar og inni á fósturheimilum þar sem þeir hafa fengið að kynnast heimilislífinu og undirbúa sig fyrir sitt framtíðarheimili.
Við byrjum oft á að auglýsa kisurnar okkar sem eru í heimilisleit á samfélagsmiðlunum okkar. Hver deild Villikatta er með sína eigin síðu á Facebook og Instagram og því er um að gera að finna okkur þar og fylgjast með fréttum ef þú ert að leita að nýjum fjölskyldumeðlim.
Lakkrís - Vesturland
Kyn: Fress
Litur: Svartur
Fæddur: seint 2022
Persónuleiki: Varkár, spjallari
Lakkrís er varkár og þarf smá tíma til að aðlagast. Hann elskar klór og klapp og að spjalla við heimilisfólkið. Hann er algjör sjarmör og þakkar vel fyrir sig þegar mat er bætt við í skálina hans.
Hann vill helst ekki láta halda á sér en lætur sig hafa það ef það þarf.
Hann er vanur hundi og börnum og mun standa sig vel á nánast hvaða heimili sem er
Gústaf - Suðurland
Kyn: Fress
Litur: Bröndóttur
Fæddur: 2019
Persónuleiki: Ljúfur og kelinn prakkari
Gústaf er brúnbröndóttur og hvítur og talinn vera fimm ára. Hann er mjög skemmtilegur karakter, ljúfur og kelinn prakkari og elskar klapp. Hann hefur mikinn áhuga á leik og myndi sennilega henta best að vera eini kötturinn á heimili.
Gústaf hefur verið ljúfur með rólegum stálpuðum börnum en hefur ekki umgengist mjög lítil börn, þannig að við vitum ekki með það.
Þröskuldur - Höfuðborgarsvæðið
Kyn: Fress
Litur: Svartur og hvítur
Fæddur: júlí 2023
Persónuleiki: Feiminn, forvitinn, stórskemmtilegur. Hentar ekki með börnum.
Þröskuldur litli er risastór persónuleiki í litlum líkama. Hann var afskaplega hræddur fyrst eftir að hann kom til okkar, en hægt og rólega hefur traustið aukist og oft á tíðum nær forvitnin og grallaraskapið yfirhöndinni.
Þröskuldur óskar eftir þolinmóðu heimili sem er tilbúið að mæta honum þar sem hann er. Hann leyfir klapp en það þarf að vera á hans forsendum og það mun taka tíma að byggja upp traustið hans.
Hann er mjög snyrtilegur og skemmtilegur karakter, hann getur verið mikill orkubolti og hentar því ekki með kisum sem eru feimnar eða geta verið stressaðar. Hann myndi líklega sóma sér vel með eldri kisa sem getur sýnt honum hvað fólkið hans getur verið gott, en mögulega væri best fyrir hann að vera eini kisinn á heimilinu. Hann hentar ekki á heimili með börnum.
Kleo - Suðurnes
Kyn: Læða
Litur: Bröndótt
Fæddur: sirka 2015
Persónuleiki: róleg, ljúf, einfari
Kleó er villingur sem kom til okkar í júlí 2022. Hún er róleg og ljúf þó svo hún vilji ekki endilega láta klappa/halda á sér þá líður henni vel í nálægð okkar mannfólksins. Hún virðist þó vera hrifnari af karlkyninu af einhverjum ástæðum😊
Hún hefur verið á fósturheimili og gekk það vel (en þar fékk hún að vera alveg á sínum eigin forsendum). Hún þarf einmitt að vera innikisa á rólegu heimili þar sem hún fengi tíma og næði til að aðlagast.
Hún er eyrnaklippt þar sem hún er villingur.
Lena - Suðurland
Kyn: Læða
Litur: Þrílit
Fædd: sirka október 2019
Persónuleiki: Vill vera eina kisan, forvitin og hlédræg
Lena er talin vera fjögurra og hálfs árs. Hún kemur úr mjög stórum hópi villikatta úr sveit á Suðurlandi, svokölluðu L-gengi hjá okkur. Hinir félagarnir í hópnum tóku einhverra hluta vegna að sér það hlutverk að verja Lenu og hún var alltaf í skjóli afkomenda sinna eða systkina. Hún er búin að reyna að fara á heimili með félaga sínum en myndaði hjá sér stresseinkenni. Hún hefur farið í rannsóknir vegna þessa og líður mikið betur núna. Hún er ekki með sýkingu eða kristalla, en þarf að vera á urinary fæði til frambúðar.
Nú langar Lenu að eignast sitt einkaheimili þar sem hún er eina kisan og getur blómstrað á eigin forsendum. Lena er ofboðslega falleg, þrílit, forvitin og hlédræg en finnst gott að fá strokur. Og öryggi er hennar ósk nr. eitt, tvö og þrjú.
Flauta - Höfuðborgarsvæðið
Kyn: Læða
Litur: Bröndótt
Fædd: júlí 2022
Persónuleiki: Varkár og forvitin, vön öðrum kisum, þarf mjög rólegt heimili.
Flauta fæddist úti og kom til Villikatta um 7 vikna gömul. Það hefur tekið langan tíma að fá hana til að treysta mannfólkinu og hún er ennþá aðeins vör um sig, þó hún sýni stöðugt framfarir.
Flauta er feimin við fólk en er mjög hrifin af öðrum kisum og óskar sérstaklega eftir heimili með góðum fjórfættum kúrufélaga – en Flauta veit fátt betra en gott kúr. Hún elskar mjúka hluti og getur leikið sér með nokkurn veginn hvað sem er. Svo er hún líka ofboðslega forvitin og vill fá að þefa af öllu.
Hún elskar allan kattamat og nammi, sem er kjörin leið til að ná til hennar og vinna inn hennar traust. Flauta litla er ekkert rosalega hrifin af látum og henni bregður stundum og þá fer hún í felur – en því meira sem hún treystir umhverfinu og fólkinu sínu, því fljótari er hún að jafna sig og koma aftur úr felum.
Bergþóra - Suðurland
Kyn: Læða
Litur: Bröndótt
Fædd: sirka 2021
Persónuleiki: Ljúf, kelin, þarf tíma til að aðlagast
Bergþóra náðist með þrjá kettlinga í Rangárþingi eystra um mitt ár 2022 og hefur verið hjá okkur síðan. Hún var ansi mikill villingur og sýndi það, en alltaf sáum við eitthvað í augunum sem benti til að þetta gæti orðið krefjandi en skemmtilegt verkefni. Hún er núna talin vera ca þriggja ára.
Bergþóra er lítil og nett. Hún er ljúf og kelin, snyrtileg og þrifin og getur vel umgengist aðra ketti. Mikill karakter og alger dama, elsku Bergþóra. Það eina sem þarf að hafa í huga er að hún þarf góðan tíma til að aðlagast. Hún elskar teppið sitt og þæfir það rækilega.
Moli - Vesturland
Kyn: Fress
Litur: Svartur
Fæddur: 15. sept 2023
Persónuleiki: Feiminn, forvitinn, spjallari
Moli er mjög feimin en eftir að hann hefur náð trausti þá er hann mesta yndi. Hann er orkumikill og forvitin kisi sem finnst fátt skemmtilegra en að leika og spjalla út í loftið.
Hann er ekki mikill kúrari en á það til að kúra við enda rúmsins á kvöldin og skoða aðeins á manni fæturnar.
Honum finnst voða gott að fá klapp og leyfir manni stundum að halda á sér en bara á hans forsendum.
Það er auðvelt að sjá þegar Mola líður vel því þá stingur hann tungunni út og slefar aðeins.
Moli hefur lítin áhuga á börnum og er frekar illa við hávaða, því myndi henta best ef hann gæti farið á rólegt barnlaust heimili með annari kisu sem nennir að leika við hann eða einstaklingum sem hafa mikin tíma til að leika.
Best væri ef Moli gæti fengið að vera innikisi þar hann er meistari í að fela sig og gæti það endað með löngum feluleik ef hann kemst út
Séra Sævar - Vesturland
Kyn: Fress
Litur: Bröndóttur og hvítur
Fæddur: september 2021
Persónuleiki: Bangsi inn við beinið, leynilegur nautnaseggur, þarf smá vinnu
Séra Sævar er einstaklega sérstakur köttur. Hann er talin vera 2-3 ára gamall. Hann er mjög sérstakur á fólk. Hann á það til að urra og hvæsa á nýtt fólk en er samt hæstánægður með nammi og mat og þakkar fyrir það með urri og þykir klappið alls ekki slæmt. Það er semsagt leynilegur nautnaseggur inn við beinið sem hann reynir einstaklega mikið að fela. En þegar hann gleymir sér þá kemur framm forvitin kisi sem elskar klapp og kemur hann þá til manns og vill klapp og malar af og til.
Séra þyrfti heimili sem er tilbúið að vinna með honum a hans hraða og sýna honum þolinmæði til að bangsinn í honum fái að koma fram og njóta sín. Hann hefur umgengist börn og hefur það gengið ágætlega. Heimili með ung börn henta þó ekki. Hann getur verið með öðrum köttum.
Klói - Austurland
Kyn: Fress
Litur: Svartur og hvítur
Fæddur: sirka 2018
Persónuleiki: Feiminn
Klói er um 5 ára gamall svartur og hvítur fress með einstaklega skemmtilegar hvítar tær. Hann hafði verið á vergangi um nokkurt skeið á Seyðisfirði þar sem hann kynntist góðum manni sem gaf honum að borða fyrir utan heimili sitt.
Klói hefur verið hjá okkur í um 2 ár og vill fá að eignast framtíðarheimili.
Hann er pínu feiminn en þiggur klapp þegar hann er farinn að treysta fólkinu, hann verður aftur á móti var um sig ef hann heyrir mikil læti.
Hann þyrfti að komast á rólegt heimili þar sem hann fengi sinn tíma til að aðlagast.
Hann óskar eftir að fá heimili með Vaski vini sínum, en er þó ekki skilyrði.
Kamala - Austurland
Kyn: Læða
Litur: Svört og hvít
Fædd: 2020
Persónuleiki: Til í gott klapp og klór, hentar ekki á barnaheimili
Kamala er þriggja ára læða sem kom til okkar sem stálpaður villikettlingur frá Seyðisfirði. Henni þykir gott að fá klapp og klór og er yfirleitt til í að leika.
Hún er vön öðrum köttum en myndi líka una sér vel sem eini kötturinn á heimili.
Hún hentar ekki á heimili með ungum börnum.
Kamala er búin að vera í heimilisleit síðan í mars 2023.
Lísa - Austurland
Kyn: Læða
Litur: Þrílit
Fædd: júní 2018
Persónuleiki: Forvitin, leikglöð, feimin
Lísa er um 6 ára gömul og kom til okkar eftir að hafa verið á vergangi um langt skeið. Henni finnst gott að fá klapp og klór þegar hún er farin að treysta. Lísa er forvitin og hefur mjög gaman af því að leika sér.
Hún er vön öðrum köttum en myndi e.t.v. henta betur að vera eina kisan á heimilinu. Lísa þyrfti að komast á rólegt heimili þar sem hún fengi sinn tíma til að aðlagast og henni yrði sýnd þolinmæði. Hún myndi sennilega una sér best sem útiköttur.
Lísa er búin að vera í heimilisleit síðan í mars 2023.
Nokkrar kisur sem hafa fengið heimili í gegnum Villiketti
