Indriði ber nafn með rentu og hefur í okkar huga verið gamli kallinn í kotinu, sem passar að öll verk séu unnin rétt, sérstaklega þegar það kemur að blautmat.

Hann kom til okkar vorið 2022, þá mjög veðraður, hræddur og með illa farnar tennur. Hann fékk alla þá læknisaðstoð sem hann þurfti og við tók langt og strangt ferli við að manna hann. Indriði hefur hægt og rólega byrjað að treysta okkur mannfólkinu þó honum finnist við heldur nærgöngul oft á tíðum. En honum þykir samt klapp og klór ósköp notalegt þegar hann loksins leyfir það.

Indriði er afskaplega rólegur köttur og er sáttur svo framarlega sem hann kemst í felur ef hann þarf. Annars liggur hann bara á blettinum sínum á meðan við sinnum honum og öðrum, og oftar en ekki höfum við komið að annarri kisu eða jafnvel tveimur að fela sig á bak við þennan rólega risa.

Indriði er staðsettur á fósturheimili en vegna óviðráðanlegra aðstæðna þá þurfum við að finna nýtt fósturheimili.