Yndislegi Indriði er talinn vera um 7 ára gamall og er fyrrum villikisa sem rataði inn á baðherbergi hjá kisuvini fyrir um 1,5 hálfu ári síðan, sem kom honum í okkar hendur. Til að byrja með var hann logandi hræddur og svo afskaplega reiður við sjálfboðaliðana okkar að það var hægara sagt en gert að sjá um hann. Hann var með mikið skemmdar tennur og er því í dag alveg tannlaus.

En Indriði róaðist hægt og rólega og fór að leyfa völdum sjálfboðaliðum að klóra sér aðeins. Og þegar hann loksins komst á fósturheimili kom í ljós einn mesti dekurkisi sem má hugsa sér. Hann elskar fátt meira en að liggja í kjöltunni á fóstrunni sinni og fá klapp og klór. Nema kannski að fá að borða, hann elskar matinn sinn.

Indriði myndi sóma sér best sem eini kisinn á rólegu heimili, sem er tilbúið til að vinna inn hans traust og dekra við hann um ókomna tíð

Indriði er geldur, örmerktur, ormahreinsaður, bólusettur og tilbúin á framtíðarheimili. Smelltu hér ef þú hefur áhuga á að bjóða Indriða okkar öruggt og ástríkt heimili þar sem nóg er um að vera og hann fær alla þá athygli sem hann á skilið.