Kolfinna kom til okkar fyrir nokkrum árum og var þá ekki vön mannfólki. Hún hefur verið á fósturheimili þar sem hún hefur fengið mikla þolinmæði, ást og hlýju og er núna tilbúin á sitt framtíðarheimili.

Kolfinna hefur ekki áhuga á hefðbundnum kattaleikföngum en elskar málbönd, hringprjóna og garðspotta. Hún snýst þá á alla kanta og leggst á bakið til að reyna að ná í endann á þessum hlutum.

Kolfinnu finnst blautmatur ekki góður, borðar eingöngu þurrmat. Henni finnst harðfisknammi virkilega gott.

Hún lætur aðra ketti í friði í byrjun og ef hún vingast við þá, þá tekur það hana langan tíma. 

Kolfinnu finnst heimurinn fyrir utan gluggann mjög áhugaverður og hefur átt í samskiptum við útiketti í gegnum glerið. Hún gæti með tímanum orðið útikisa á nýju heimili.

Kolfinna er geld, örmerkt, ormahreinsuð, bólusett og tilbúin á framtíðarheimili. Hún er yndislegur, glæsilegur og rólegur köttur sem yrði hverri fjölskyldu dýrmætur meðlimur um ókomin ár. Smelltu hér ef þú hefur áhuga á að bjóða Kolfinnu okkar öruggt og ástríkt heimili með nóg af þolinmæði.