Svavar er félagsvera og spjallar mikið þegar það er matartími, þegar fólkið hans kemur heim og við hinar kisurnar og þegar hann vill leika eða kúra. Hann er mjög blíður og vill ekkert illt, hann á það til að narta í mann til viðvörunar eða taka utan um puttann í svona „slow motion“ en það er afskaplega blítt og núorðið hlustar hann þegar sagt er blíðlega „ái“ eða „nei“ og þá hættir hann við.

Hann elskar klapp og klór, ýtir á móti og hámalar, hann er samt enn að læra að treysta og hleypur oft burt þegar maður nálgast hann. Best er að koma að honum þar sem hann telur sig öruggan eins og í gluggakistu eða uppi á klóru, nú eða með eitthvað matarkyns fyrir hann. Þeir sem hann treystir mega strjúka á honum tærnar, en ekki hefur verið lagt í að klippa klærnar hans og eru þær því nokkuð beittar. Hann er nokkuð stór, með silkimjúkan feld og mjóa krúttlega rödd.

Hefur ekki sýnt neinn áhuga á að fara út, er þrifinn, elskar aðrar kisur og mun pottþétt elska framtíðar fólkið sitt ef hann fær næga athygli, þolinmæði og ást.