Tarzan er u.þ.b. 2 ára, stór og myndarlegur högni sem sjálfboðaliði frá Dýrfinnu kom til okkar snemma í vor. Hann hafði þá, ógeldur og óörmerktur, verið á vergangi í Elliðaárdalnum um veturinn án þess að fólk í nágrenninu kannaðist við hann. Leit að eiganda hefur ekki borið árangur hingað til. Tarzan var lengi mjög hræddur og hlédrægur, en þegar hann loks róaðist kom í ljós svakalegur kelubangsi sem elskar nammi og mallaklór Tarzan er nú geldur, örmerktur, ormahreinsaður, bólusettur og tilbúinn á framtíðarheimili þar sem eigandi hefur ekki fundist. Hann hefur eignast bestu vinkonu í koti – hana Rós villikisu – og virðist ljúfur við a.m.k. stálpuð börn sem nálgast hann af rósemd og virðingu. Þessi kelukall með stóru loppurnar sínar og bleika nebbann væri frábær viðbót við hvaða fjölskyldu sem er, en við leitum að heimili sem getur boðið honum 100% öryggi, næga athygli og ábyrgð til frambúðar.