Fallegi, gulbröndótti Tímon er í heimilisleit. Hann er talinn vera um 2 ½ árs, orkumikill og forvitinn kisi sem þarf nóg af leik og dóti – hann finnur sér annars eitthvað annað til skemmtunar. Þegar Tímon er ekki að leika sér getur hann kúrt eins og honum sé borgað fyrir það. Hann er frekar hljóðlátur og mjálmar sjaldan og elskar að sofa uppí rúmi hjá fólkinu sínu. Merkilegt nokk, þá vekur hann þig ekki þegar hann er svangur, sem er ótrúlegt þar sem hann er ógurlegt matargat og mun gleypa í sig hvaða blautmat sem settur er í skálina hans.

Tímon myndi una sér vel sem inniköttur á heimili þar sem hann hefði nóg pláss og glugga sem bjóða upp á góða fuglaskoðunaraðstöðu. Hann myndi þó alveg eins kunna að meta að meta einhverja útivist. Honum kemur ágætlega saman við aðra gelda fressketti á svipuðum aldri, en það er nokkuð ljóst að hann kann ekki að meta hunda eða yngri börn. Þó svo að Tímon sé sjálfur orkumikill, þá myndi henta honum best rólegt heimili með reglusömu fólki og góðri rútínu.

Tímon er geldur, örmerktur, fullbólusettur og ormahreinsaður. Hann er að öllu leyti alveg frábær köttur sem hefur mikið að gefa