Vaskur er rólegur og góður köttur á miðjum aldri. Hann var lengi á vergangi áður en hann kom til okkar og er stundum aðeins var um sig ennþá en þykir mjög gott að fá klapp og klór frá þeim sem hann treystir.

Hann er mikið matargat og krefst þess að fá nóg af blautmat og nammi á framtíðarheimili sínu. Vaskur er vanur öðrum köttum en þætti ekkert endilega verra að vera eini kötturinn á heimilinu.

Vaskur er geldur, örmerktur, ormahreinsaður, bólusettur og tilbúin á framtíðarheimili. Smelltu hér ef þú hefur áhuga á að bjóða Vaski okkar öruggt og ástríkt heimili þar sem  hann fær alla þá athygli sem hann á skilið.