Rebbi var fæddur úti og kom til Villikatta um 13 vikna gamall. Hann hefur verið á fósturheimili þar sem gengið hefur mjög vel að manna hann. Hann vill þó ekki láta halda á sér og er ekki mikið fyrir klapp en er smám saman að koma til og mun örugglega þyggja knús og klapp á heimili þar sem hann fær ást, athygli og umhyggu.

Rebbi elskar aðrar kisur og eltir þær á röndum. Hann er mikill spjallari og lætur vita þegar hann er svangur. Hann kúrir í sófanum hjá fóstrunni á meðan hún horfir á sjónvarpið og sefur til fóta hjá henni á nóttunni. Hann er snyrtilegur og hefur mjög gaman að því að leika og er plastrusl uppáhalds dótið hans.

Rebbi er geldur, örmerktur, ormahreinsaður, bólusettur og tilbúinn á framtíðarheimili. Hann er yndislegur, glæsilegur og lífsglaður köttur sem yrði hverri fjölskyldu dýrmætur meðlimur um ókomin ár. Smelltu hér ef þú hefur áhuga á að bjóða Rebba okkar öruggt og ástríkt heimili þar sem nóg er um að vera og hann fær alla þá athygli sem hann á skilið.